إيه هادشي زوين أو مقاد أو شيك أو مخسور عليه الفلوس أو ..أو ..أو .. ، والاكين غير باش نابقاو مفاهمين حبدا لو أن هاد لفلوس لي تصرفو على  هادشي أو زيد عليهم الفلوس لي كايتصرفو على المهرجانات أو التضاهرات الفنية ( لي هي في حقيقة الأمر فلوسنا - أموال دافعي الضرائب)  إتصرفو على قطاعات أخرى بمدينة الجديدة أو كنسطر على قطاع التعليم و الصحة ، أنا ماشي ضد  الفن أو ضد البنية التحتية أو حتى المضهر الجمالي لمدينة الجديدة ( أو حنا كجديدين كانفتاخرو أو كنعتزو بمدينة الجديدة بزينة أو بالخيبة ديالها ) و لاكن نهار غادي دير كرسي زوين فحال هدا قدام شاطئ "الجريف سيدي بارك" أو غادي إيجي واحد جاهل ما قاريش أو ماواعيش ، أو غادي إدمر ما بناه الآخرون غادي إضرك الحال ، أو غادي نرجعو بطبيعة الحال لنقطة الصفر ،بحالا شي ما درناه  ، أو غير بين قوسين لنا جزأ كبير من المسؤولية لي خلات هداك الشخص إيكون ماقاريش أو ما واعيش ، لاحاقاش كون تصرف عليه باش إرجع واعي أو قاري ماكانش غادي إدمر هداك الكرسي ،أو ماكانش غادي إلوح زبل في الزنقة ،أو كان غادي حتارم أو إلتازم بما له و ما عليه , علاش؟؟؟؟ , لاحاقاش إهتممنا ببناء الحجر و إهمال البشر أو كنسطر بالخط الأحمر على إهمال البشر 
, أو هدا هوا الخطأ الأول و الأخير أو الكبير أو العريض لي كنطيحو فيه ، المسؤولين دياولنا كايشوفو أوروبا بالبنيان ديالها أو العمران ديالها كايسحب ليهم هداك هوا التقدم ، مالي جاو هنا بناوو حتا هما ولاكن مالقاو لا تقدم لا والو ، علااااش ؟؟؟ 
أوروبا بنت البشر اللذي سيبني الحجر 
و لاكن العريبان عندنا بنو الحجر و أهمل البشر اللدي هوا في الحقيقة الأحق بالبناء 
أو سمحو ليا أ جديديين لا طولت عليكم غادي نعاود ليكم واحد القصة خفاً زرباً . 
الصين بنات صوور الصين العضيم أكبر صور في تاريخ البشرية ، ولاكن تعرضت لعدة غزوات بلاما إتدمر الصور !! غادي تساؤلو غادي تگولو أو كيفاش ؟؟ 
كان كايجي الجيش لي غادي إغزو الصين كايرشيو البواب ديال أحد الأبواب ديال صور الصين العضيم ، أو كايدخلهم عااااادي !!! 
الصين بنات أكبر صور في التاريخ ولاكن دارت خطأ كبيييير . مابناتش الگارديان 
 سمحو ليا لا طول عليكم ، ماكاندويو إلا لحقاش كانغير على هاد لمدينة السعيدة لي هيا #مدينة_الجديدة
و شكراااا 
#أحمد_لحكيم